حمام مغربي

- الطريقة: 1. الليفة المغربي: - تكون نوع نضيف، لا خشن يعور ولا ناعم مايطلعش حاجة عشان نشتغل صح وكنداكة وفرت لك الليفة المغربية الأصلية عشان تحافظ على جلدك. 2. الصابون المغربي: - قبل ما تدخلي تعملي الحمام المغربي، اعملي حمام كريم لشعرك عشان تستفيدي بالوقت اللي هاتقعديه في البخار. 3. التحضير: - ادخلي الحمام بتاعك ومعاكي أدواتك كلها. ممكن تاخدي فرشة سنانك والمعجون وأدوات الباديكير وحجر الرجلين عشان تسلي نفسك وانتي جوة 💃💃. - اقفلي المنافذ كلها زي الشباك والشفاط. - افتحي الماية السخنة قدر احتمالك واقفي تحتها من 5 لـ8 دقايق لحد ما تحسي جسمك سخن والمسام اتفتحت والحمام بخر من السخونة. ودي أهم خطوة في الحمام المغربي 👌 إن الحمام يبقى مليان بالبخار وجسمك سخن. 4. استخدام الصابون والتبريمه: - اخلطي الصابون المغربي مع التبريمه وممكن تضيفي شوية ماية أو ماء ورد عشان يتفرد بسهولة. - ادهني بيه جسمك بالكامل واتركيه ربع ساعة أو عشر دقائق. لو حسيتي البخار قل وجسمك بدأ يبرد، افتحي الماية السخنة على جنب عشان جسمك مايبردش 👌. 5. الباديكير: - استعملي أدوات الباديكير وسلي نفسك لحد ما الوقت يمر. 6. غسل الجسم: - بعد الربع ساعة، اشطفي جسمك بماء سخن قدر احتمالك واشطفي كويس لحد ما الصابون ينزل تمامًا. 7. استخدام الليفة: - بلي الليفة ماية واعصريها كويس يعني تكون مندية. - استخدميها بحركات مستقيمة رايح جاي وشوفي الليفة هتطلع إيه ! - الموضوع مش عايز عنف ولا قوة، براحة عشان متعوريش نفسك. - ابدأي بحركات مستقيمة ومش بسرعة ومش باطراف الأصابع في مكان واحد، استمري في نفس المكان لحد ما تلاقي الجلد الميت طالع قدامك، ثم انتقلي لمكان تاني لحد ما تخلصي جسمك بالكامل. - اهتمي بالأماكن الخشنة والغامقة زي الركب والكوع والرقبة والتنيات. 8. الطمي المغربي: - الطمي فيه بروتينات جميلة بتساعد على نقاء البشرة وتفتيحها من أول مرة تعمليه. - بعد كده اغسلي شعرك من حمام الكريم وجسمك وخدي الشاور بتاعك. 9. الترطيب: - الترطيب مهم جدًا جدًا، شوفي إحساسك بعدها - حطي زيت عطري في أماكن النبض واهتمي بمنطقة الرقبة. الممنوعات: 1. الأكل قبل الحمام: بلاش تاكلي قبل ما تدخلي الحمام على طول عشان البخا