باتشات العين من ديزاراولا لازم نكون متفقين ان باتشات العين لينا كمصري

باتشات العين من ديزار اولا لازم نكون متفقين ان باتشات العين لينا كمصريين تعتبر الحل السريع ليكي لو رايحه مناسبه او نازله الشغل عادي لكن الكوريين بيتسعملوها كحل فوري وعلاجي بالانتطام عليها ٣ مرات في الاسبوع بتدي نتايج علاجيه تحفه ❤❤❤❤ الباتشات دي مخصصه اصلا لنوع الجلد تحت العين لانه بيكون رقيق جدا وكتير مننا بيهمل الاهتمام بالمنطقه دي الباتشات دي عباره عن هيدروجيل والهيدروجيل شرحه كتير بس باختصار انه بيكون معمول بتقنيه معينه بحيث ان المواد الفعاله داخله جوه جزيئاته وبيبقي مشابه لحد ما للجلد وبرضو ده بيخلي المكونات تدخل جوه طبقات الجلد كويس جدا المكونات بقي عباره عن مجموعه من الفيتامينات المغذيه جدا للجلد في المنطقه دي ومعاها مكونات تاني بتزود درجة مقاومه الجلد في المنطقه دي للعوامل الخارجيه الباتشات بتعالج الانتفاخات اللي مش شديده وبتدي نضاره ومنظر صحي للجلد وترطبها جدا فبتضيع الخطوط الرفيعه تحت العين الاستخدام بتطلعي منها بالسباتيولا اللي معاها وتحطيها تحت العين بعد الغسول والتونر وتسيبيها من ٢٠ ل٣٠ دقيقه ولو عاوزه نتيجه افضل الانتفاخات حطيها في التلاجه