Farm Stay 24K Gold peptide perfect ampoule cream

Farm Stay 24K Gold & peptide perfect ampoule cream كريم 99% منه ده دهب و بيبتيد تخيلوا ممكن يعمل ايه 🌟اولا الدهب : استخدام الدهب بقي منتشر في منتجات البشرة و التجميل و ده بسبب فوايده الكتيرة و قدرته علي تحفيز البشرة ببساطة اللي الدهب بيعمله انه بيحفز ال basal cells او الخلايا القاعدية بتاعة البشرة,  الخلايا دي بيكون عندها قدرة عالية علي الانقسام و لما ده بيحصل الخلايا الجديدة بتزق الخلايا القديمة لبرة و تستبدل الجديدة مكانها و بالتالي بيساعد في عملية تجديد البشرة بالاضافة لكده جزيئات الدهب بتنشط الدورة الدموية فبتساعد ان البشرة تتخلص اسرع من الملوثات و المركبات اللي ممكن تاثر عليها بالسلب و تحافظ علي مستوي الترطيب اللازم للبشرة 🌟تانيا البيبتيد: البيبتيد هو عبارة عن الوحدات البنائية لسلاسل البروتين يعني كل شوية بيبتيد مع بعض يديني جزئ بروتين الجزئ ده ممكن يتحول لكولاجين او ايلاستين او اي بروتين تاني و لانه مش هينفع اننا نحط البروتين مباشرة علي البشرة لانه مش هيمتص فبيتم استخدام البيبتيد اللي هي عبارة عن الوحدات البنائية للبروتين بس ليها قدرة اعلي علي الامتصاص 🌟المكونات التانية: غير المكونين الفظيعين دول الكريم كمان فيه niacinamide اللي هو فيتامين بي3 و ده بيساعد في التحكم في شكل المسام الواسعة و توحيد لون البشرة كمان الكريم فيه adenosine و ده بيساعد في رفع مستوي الطاقة في الخلايا و بالتالي بيحسن من شكل البشرة فبيكون الجلد شكله صحي اكتر ال royal jelly extract اللي هو شمع العسل وده مسئول عن الخواص الترطيبية للكريم طريقة الاستخدام: مرة في اليوم كمية مناسبة و بتتوزع علي الوش بالتساوي